Moččummus rosttovlaulli čueʹjje še kooum sääʹmǩiõʹlle. Taʹnni sääʹmǩiõllsaž Moččummus rosttovlaullʼjid lääulat säʹmmlai dommvuuʹd lââʹssen vittân jeeʹres gåårdest.
Vuäitak pueʹtted mieʹldd sääʹmǩiõllsaž Moččummus rosttovlaulli -noorõõttmõõžžid täin gåårdin:
30.11. Turku duõmmceerkav čiâss 19.
2.12. Heʹlssen duõmmceerkav čiâss 15.
3.12. Tampere Pyynikin pappila čiâss 14.
3.12. Oulu Karjasillan kirkko čiâss 15.
4.12. Ruäʹvnjaarǥ ceerkav čiâss 18.
Noorõõttmõõžž nåʹrre õʹhtte säʹmmlaid da taʹrjjee pääiʹǩ še ääiʹjpoddsaž saǥstõõllmõõžžid da mainnsi vaajtummša rosttovsäʹppkuâsstummuž õhttvuõđâst. Säʹmmla ceerkvest -haʹŋǩǩõõzz projeʹkttkoordinaattor, pastor Mari Valjakka jååʹđat taʹnni Heʹlssen, Tampere da Ruäʹvnjaarǥ sääʹmǩiõllsaž Moččummus rosttovlaulli -noorõõttmõõžžid.
”Rosttovlaaulnoorõõttmõõžžin lij läullmõõžž lââʹssen šiõǥǥ tõt, što piâssâp kaaunõõttâd kueiʹmm kuõiʹmeen da vaajted mainnsid. Säʹmmla ceerkvest -haʹŋǩǩõs haaʹlad leeʹd mieʹldd jäʹrjsteʹmmen tännallšem kaaunõõttâmpaaiʹǩid säʹmmlaid nuʹtt dommvuuʹdest ko še gåårdin”, tuâtt Mari Valjakka.
Heʹlssen, Tampere da Ruäʹvnjaarǥ noorõõttmõõžžid vuässââtt še SámiSoster rõ tuâjjlaž Inga Koivisto. Säʹmmlai psykososiaalʼlaž tuärj juâǥǥas Uuj tuâjjlaž Leena Fofonoff lij mieʹldd Ruäʹvnjaarǥ noorõõttmõõžžâst.
Pueʹtted tiõrvân läullad sääʹmǩiõllsaž Moččummus rosttovlaullʼjid!
bárbmu ry/rs 