Njuolggadusat

(sivu suomeksi)

Sis-Suoma Sámisearvi Ry Bárbmu Rs:a njuolggadusat. Njuolggadusat čállojuvvon vuođđudančoahkkimis Jyväskyläs 1.9.2012.

1 § Searvvi namma ja ruovttubáiki

Searvvi namma lea Sisä-Suomen Saamelaisyhdistys Bárbmu ry, Bárbmu rs ja dan ruovttubáiki lea Jyväskylä.

2 § Searvvi gielat
Searvvi gielat leat sáme- ja suomagiella.

3 § Ulbmil ja doaibma

Searvvi ulbmilin lea ovddidit sámiid oktasaš áššiid, nugo kultuvrralaš, vuoigatvuođalaš ja ekonomalaš áššiid, ja ovddidit sámiid oktiigullevašvuođa. Ulbmilis ollašuhttimii searvi ordne čoahkkimiid, sámefeasttaid ja earálagan sámekultuvrii laktaseaddji dáhpáhusaid, erenomážit Sis-Suomas. Doaimma doarjjan searvi sáhttá váldit vuostá skeŋkehusaid, testameanttaid, oamastit gitta opmodaga ja virgeoapmahačča lobi oažžuma maŋŋá ordnet vuorbádemiid ja ruhtačoaggimiid.

4 § Lahtut

Searvvi aitosaš lahttun sáhttá searvat sápmelaš dahje olmmoš, gean searvi dohkkeha lahttun. Searvvis sáhttet leat maid doarjja- ja gudnelahtut. Searvvi lahtuid dohkkeha stivra.

5 § Lahtu earráneapmi ja earuheapmi

Lahtus lea riekti earránit searvvis almmuhemiin das čálalaččat stivrii dahje dan sáhkadoallái dahje almmuhit earus searvvi čoahkkimis ja merkehit dan beavdegirjái. Stivra sáhttá earuhit lahtu, jus lahttu lea guođđán máksinláhkai boahtán lahttomávssu mávssekeahttá dahje muđuid lea guođđán deavddekeahttá daid geatnegasvuođaid, maid lea searvái searvvadettiin dohkkehan dahje lea meannudemiin searvvis dahje dan olggobealde dovdomassii vahágahttán searvvi dahje ii šat deavdde searvvi njuolggadusain máinnašuvvon lahttovuođa eavttuid.

6 § Searvan- ja lahttomáksu

Aitosaš lahtuin ja doarjjalahtuin berrojuvvon searvanmávssu ja jahkásaš lahttomávssu sturrodaga mearrida jahkečoahkkin. Gudnelahttu ii leat geatnegas máksit láhttomávssu.

7 § Stivra

Searvvi áššiid dikšu stivra, masa gullet jahkečoahkkimis válljejuvvon sáhkadoalli, guokte (2) aitosaš lahtu ja guokte (2) várrelahtu. Stivrra doaibmanáigodat lea jahkečoahkkimiid gaskasaš áigodat. Stivra vállje gaskavuođasdis várresáhkadoalli ja váldá gaskavuođas dahje olggobealde čálli, ruhtadoalli ja eará dárbbašlaš doaibmaolbmuid. Stivra čoahkkana sáhkadoalli dahje go son lea eastašuvvan, várresáhkadoalli bovdehusas, go sii gehččet dasa leat siva. Stivra lea mearridanválddálaš, go uhcimustá bealli dan lahtuin, sáhkadoalli dahje várresáhkadoalli fárrui logadettiin leat mielde. Jienasteamit čovdojit ovttageardásaš jienaid eanetloguin. Jienaid manadettiin beallái, mearrida čoahkkima sáhkadoalli jietna, válggain goittotge vuorbi.

8 § Searvvi nama čállin

Searvvi nama čállet stivrra sáhkadoalli, várresáhkadoalli, čálli dahje ruhtadoalli, guovttis ovttas.

9 § Ruhtadoallobadji ja ruhtadoallodárkstus

Searvvi ruhtadoallobadji lea kaleandarjahki. Ruhtadoalloloahpaheami dárbbašlaš áššebáhpáriiguin ja stivrra jahkemuitalusa galgá addit doaibmadárkisteaddjái/ruhtadoallodárkisteaddjái maŋimustá mánotbaji ovdal jahkečoahkkima. Doaibmadárkisteaddji/ruhtadoallodárkisteaddji galgá addit čálalaš čilgehusa stivrii maŋimustá guokte vahku ovdal jahkečoahkkima.

10 § Searvvi čoahkkimat

Searvvi jahkečoahkkin dollojuvvo oktii jagis stivrra mearridan beaivve ovdal njukčamánu loahpa. Badjelmearálaš čoahkkin dollojuvvo dalle go stivra geahččá dan dárbbašlažžan dahje go unnimustá logátoassi (1/10) searvvi lahtuin dan stivrras almmuhuvvon dihto ášši várás čálálaččat gáibida. Čoahkkin galgá dollojuvvot 30 beaivvi áigge dan maŋŋá go gáibádus lea dahkkon. Searvvi čoahkkimiin lea juohke aitosaš lahtus okta jietna. Doarjja- ja gudnelahtuin lea čoahkkimis hállanvuoigatvuohta. Searvvi čoahkkima mearrádussan boahtá dat oaivil, man lea guottihan badjel bealli addojuvvon jienain. Jienaid manadettiin beallái čoavdá čoahkkima ságajođiheaddji jietna, válggain goittotge vuorbi. Čoahkkimiidda lea vejolaš oassálastit čoahkkima áigge dihtoroktavuođain dahje muhtun eará teknihalaš rusttegiin, jus stivra dahje searvvi čoahkkin nu mearrida.

11 § Searvvi čoahkkimiid čoahkkái gohččun

Stivra galgá bovdet searvvi čoahkkimiid čoahkkái uhcimustá čieža jándora ovdal čoahkkima lahtuide sáddejuvvon reivviin, searvvi ruoktobáikki aviissas dahje šleađgaboasttain dahje elektrovnnalaččat. Bovdehusas máinnašuvvo maid gáiddusoassálastima vejolašvuođas.

12 § Jahkečoahkkin

Searvvi jahkečoahkkimis gieđahallojit čuovvovaš áššit:
1. čoahkkima rahpan
2. válljejuvvo čoahkkima sáhkadoalli, čálli, guokte beavdegirjedárkisteaddji ja dárbbu mielde guokte jienaidrehkenasti.
3. gávnnahuvvo čoahkkima lágalašvuohta ja mearridanváldi
4. dohkkehuvvo čoahkkima bargoortnet
5. ovdanbuktojit ruhtadoalloloahpaheapmi, jahkemuitalus ja doaibmadárkisteaddji/ruhtadoallodárkisteaddji cealkámuš
6. mearriduvvo ruhtadoalloloahpaheami nannemis ja vástufriijavuođa mieđiheamis stivrii ja eará vástugeatnegasaide.
7. nannejuvvojit doaibmaplána, boahto- ja golloárvvoštallan ja maiddái lahttomávssuid sturrodat
8. válljejuvvojit stivrra sáhkadoalli ja eará lahtut
9. válljejuvvojit okta dahje guokte doaibmadárkisteaddji ja várredoaibmadárkisteaddji dahje okta dahje guokte ruhtadoallodárkisteaddji ja várreruhtadoallodárkisteaddji.
10. gieđahallojit earát čoahkkinbovdehusas máinnašuvvon áššit.
Jus searvvi lahttu hálida muhtun ášši gieđahallamii searvvi jahkečoahkkimii, galgá son almmuhit das čálalaččat stivrii nu árrat, ahte dan sáhttá máinnašit čoahkkinbovdehusas.

13 § Njuolggadusaid rievdadeapmi ja searvvi burgin

Mearrádusa njuolggadusaid rievdadeamis ja searvvi burgimis galgá bargat searvvi čoahkkimis uhcimustá golmma njealjátoasi (¾) eanetloguin addojuvvon jienain. Čoahkkinbovdehusas galgá máinnašit njuolggadusaid rievdadeamis dahje searvvi burgimis. Jus searvi burgojuvvo, geavahuvvojit searvvi ruđat searvvi ulbmiliid ovddideapmái burgimis mearridan čoahkkima mearridan vugiin. Jus searvi loahpahuvvo, geavahuvvojit ruđat seamma dárkkuhussii.

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google+ photo

Olet kommentoimassa Google+ -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s